U Eugeneson Lyngdoh, President ka Rangdajied United Football Club hawa wan sakhi yaka lympung yaleh Final ka Super Division wa pynlai da ka East Jaiñtia Hills District Football Association kawa tip leh kam ka 3rd Kyrmen Shylla Contribution Trophy wa da pynman ynne ka sngi ha Deiñshynrum, East Jaiñtia Hills District, da pynbna paidbah u wa ha u snem 2024 ka Kyrmen Foundation chirup i krehlang waka Rangdajied United Football Club daw sdang ki yaka Free Coaching Camp yow sai ya kiwa em sap yalehbol neibynta ki khynnah wa 5 snem i rta hadooh 15 snem kynthai wa chynrang.
Chwa wow leh yeini, da khana u wa daw pynman chwa daka Trail ha u bnai nyngkong u snem thymme neibynta u jied ya ki khynnah wa biang tam u yoh psiah ha ka Coaching Camp kawa daw pynman kamwa ar sien chi tayaaw.
Ha kani ka Coaching Camp daw bhah katkam i rta waphær waphær wei ki Coach ki wow wan e sikai leh toh napoh ka Rangdajied hi.
Lyngba kani ka Coaching Camp, u Eugeneson Lyngdoh em u i kyrmen wa khroo u yoo ya ki khynnah wa em sap ka thaaiñ East Jaiñtia, wei deiwa yoh sikai nadooh dang khian daw man ki kiwa chkeh hei sap lehke manda heh.
Yaroh u leh yaka Ri-loom Jaiñtia kawa neipor cheipor pynmih ko ya kiwa yalehke wa bna naam, wei deiwa ya krehlang chirup waka Kyrmen Foundation yooluti u wa daw man iwa jop chooh chooh khamtam u yoh chooh chiboon ki khynnah wa chkeh na kani ka thaaiñ.
Da khana u leh wa katni hapoh ka Rangdajied United Football Club em hadooh kamwa 10 ngut kiwa yalehke kiwa napoh Ri-loom Jaiñtia.
Neiliang u President ka Kyrmen Foundation, u Fourness Dkhar da e khublei u yaka Rangdajied kawa da smat u yakrehlang wa ki neibynta u pynku yei sap yalehbol hapoh ka District.
Pyntip haroh u hadooh kamwa 200 ngut ki khynnah daw jied neibynta u chah sikai haka sien wa nyngkong.
Heiyatoh wei lut i sep nadooh ki Uniform leh daw pynbiang da ka Kyrmen Foundation hi.
Ha kani ka sngi da emlang u Kyrmen Shylla MLA ka thaiñ, ki MDC ka JHADC wa kynthup ya u Lasky Rymbai, u Finelyness Bareh, u Dr. Sankey Shangpung, u Hamletson Dohling, President ka Meghalaya Football Association wa kiwi.
Discussion about this post