U Khroo Lamsalanki Pariat ynne da pynbna u yei rai wow yakhun ya kani ka MDC Election 2025 cha ka JHADC na Jowai North Constituency wei da pyntip u leh wa da em ki National Party kam ka BJP wa Congress wa da khut ya oo wow yaleh tangwa da rai u wow yakhun kam u kyrtong samen kamwa da sneiñ ki waheh wasian oo neidaw wa ha JHADC wym em ye ko u chna aiñ toh neidaw wa hap wow paan bor na kiwa yahkhmat Party næ na ki MLA.
Da ong u leh wa lada yoh yei jop daw khut yalang biang yow pyrkhat cheiwon u e yei kyrchaan katkam i sur ki paidbah.
Da kyntu u ya ki paidbah wym toh u chah pynbiej hei kiad ha ka poisa wei katni da yoomaa wa em sei drugs yow lait u tlot yei rukom jied MDC yow yoh sakhiat ya ki MDC wa tip u maya ya ka ri waka jaitbru.
Da kyntu u leh wym toh u chah pynbiej ha ki bang ktien bang thylliej heipor Election donhi tangwa hadien ka Election da pyndep ki yei kaam du wow kamai yong samen donhi.
Kamtæ kamwa oo da e u yei chakri ha kiwa boon ki rukom haka imlang sahlang, da paan u yei kyrchaan na ki paidbah ha kani ka kynti.
Discussion about this post