U Montri Rangbahdooh ka ri, u Narendra Modi da pynbna u wow pynhiar ya i dor u kum Gas LPG da T. 200 neibynta ki 33 klur tylli ki manyung kiwa pynemkaam LPG hapoh ka PM Ujjwala Yojana deiwa pynuiñ T. 200 chi kum cha ki Bank Account yong ki.
Ini man i kam chibynta yong ka thong krehkaam u Narendra Modi i wow krehkaam nadooh ka 30-08-2023, heiwa u kum Gas wa 14.2 Kg u duna da T. 200 ha kylleiñ ka ri.
Da e nongmuna wa ha Delhi lada u kum Gas wa 14.2 Kg na ka T. 1103 chi kum u hiar i cha ka T. 903 heiwa u Modi da ong u wa ki kynthai ka ri u myntoi ki kam chibynta ka Raksha Bandhan.
Ini i pynduna dor da T. 200 chi kum cha ki manyung wa yoh myntoi na ka PMUY ha Delhi, i dor u hiar dor cha T. 703 chi kum Gas.
Kam wow kdaw heini em hadooh 31 klur tylli ki manyung wa pynemkaam LPG hapoh ka ri wei 9.6 klur toh kiwa myntoi na ka PMUY wei ini daw myntoi i ya kiwa pynemkaam LPG ha waroh ka ri. Yow pynlai bait ya kiwa pyndap pyrtuid ha ka PMUY wei wow e LPG Connection wa mynkna cha ki manyung, ka sorkar daw sdang saam ko ya ki PMUY Connection cha ki 75 lak ngut ki manbei wa duna hei yoh i laa wei ini daw pynmyntoi ko ya kiwa yoh PMUY na ka 9.6 klur yow ku cha ka 10.35 klur ngut.
Ini i rai toh wow pynstiñ ya i eh i khor wa chem ki manyung wa duna hei yoh i laa.
U Hardeep Singh Puri, uwa man u Montri ka chnat Petroleum and Natural Gas, da sñiawkmen u deiwa ong wa ka sorkar emkaam ko u sñiawthooh yei emkaam ki manyung wei wow pynsuk ya i emkaam ki khamtam kiwa duna hei yoh i laa.
Da pynrap u deiwa ong wa emkaam wow pynduna ya i emkaam kiwa duna hei yoh i laa ki manyung khnang wow ye ki u pynlang poisa.
Discussion about this post