U Amritpal Singh, u MP ka Khadoor Sahib, Punjab uwa da jop Election MP napoh patok uwa chah kset ha Dibrugarh Jail, Assam deiwa chah pynngat hapoh ka aiñ National Security Act (NSA) ya ki kaam u kam u Khalistan, da pynbna u wa daw sdang u da ka yong oo hi ha ka Political Party ha ka 14 tarik uni u bnai deiwa pynman leh ya ka Rally.
Ya kani ka Rally wa e pyrtuid ‘Panth Bacho, Punjab Bachoi’ daw pynman leh heipor wa em ka ‘Maghi Da Mela’ ha Sri Mukstar Sahib, Punjab.
U Amritpal iwa khaddooh wa yoh u wow mih napoh patok toh hawa kit ya u wow lai Delhi ha ka 05-07-24 na Dibrugarh yow chim smai u kam u MP ka Lok Sabha.
Da chah kem u ha ka 23-04-24 hadien wa kdong ya oo 36 sngi neidaw wa ki kaam u toh kiwa da booh yei man ka ri hei maa wei da kset chwa ya oo chi snem hapoh ka aiñ NSA khlem da em pynngat ha kawon kawon ka kyndon iwa ye u leh katkam kani ka aiñ.
Ha u 2022 da thung ya oo kam u khlieh ka Waris Punjab De kawa man ka seiñ saiñpyrthai wei ha ini por da pynyoo u yei kyrchaan ya ki bru wa yaleh Khalistan wei da emkti u leh hei chah hiar thma ka Ajnala Police Station deiwa rah da ki tiar yasiat yow pynmynsoo ya ki pulit hadien wa uwi u dkhot ki da chah kem u.
Puræ leh: Jop MP ki 3 ngut kiwa yaleh laitlooid na ka India, 2 ngut toh kiwa em hapoh Jail
Discussion about this post