Ka yung krehkaam u Sub-Divisional Officer (Supply), Amlarem Sub-Division da pyntip u wa i dor phñiang charak (S.K. Oil) neibynta u Naisaphra, 2021 wa daw pynlait cha kiwa dai (S.K. Oil Retailers) ha ka 3 tarik uni u bnai.
Kamtæ da phah ya ki paidbah wow lai chim ki yei bhah na ki dukan rachon namo ki Fair Price Shop Centre kiwa em ha ki jar jiar ki chnong lane ki dong.
Lada em ka ujor wym yoh yei bhah lane em kiwa dai palat yei dor wa da booh wow thoh smat ki cha ka yung krehkaam u Sub-Divisional Officer (supply) Amlarem, deiwa khana yei chnong yong ki yow ye u pynchitom ya kiwa leh pyrchah.
Ya ki ujor ye wow e ha u SDO – 8822922422 lane ha u Sub-Inspector–8414806738/9436110184/8731025753.
