Ha iwi i jia wa da yoo phylla bha, uwi u khynroo da pynbor u ya ka bei u kawa chongdai syntu harood kawi ka Temple wow thied ya oo da ka iPhone deiwa chah thngan le sngi wei ini i Video wa lai thied iPhone da poor bha i ha ki rynsan Social Media heiwa da mih boon i beiñ ya uni u khynroo.
Ha ini i Video da yoo wa u tre dukan da kylli u na uni u khynroo uwa ksoh ya ka poisa chi stuk ha kti wa yow krum kani ka poisa heiwa da jubab u deiwa ong yow thied iPhone wei da kylli u leh neiwon yoh u ya kani ka poisa heiwa ka bei uni u khynroo da ong ko ka toh kawa dai syntu donhi ha lait kawi ka Temple wei da hap ko wow pynyoh ya kani ka poisa neibhah wym em baam u khon ko iyi iyi la le sngi neidaw wa kwah iPhone u.
Kani ka manbei da ong ko leh wa dadep ong ko ya uni u khon ko wow khih u yow mih biang kani ka poisa tangwa da ong ko wa kmen won ko wow yoo wa kmen u khon ko.
Neiliang ki paidbah wa da yoo ya ini i Video da ong ki wa kani ka manbei heithaw wow thied ko ya kani ka iPhone toh u sympat ka oo da i slipar.
Kiwi won da ong ki wa yoowyrai u pait yei dur kani ka manbei.
Da em leh kiwa ong wa kam ya uni u jait khon toh u ieh u chah thngan u hadooh wa yap.
Em won kiwa ong wa manda joor ware i maya leh daw poi cha wa lait.
Discussion about this post