Pynche ka chnong Ratacherra yei dam u tipmit ya ki 75 tylli ki manyung kam kiwa chong chnong

Shillong: Ka dorbar chnong Ratacherra ka East Jaiñtia Hills da pyndam wow man kam kiwa chong chnong ya ki 75 tylli ki manyung hadien wa da kynnoh wa da kyntait ki wow ya krehlang waka chnong. Hawa klam wa ki laad pathai khubor ynne ka sngi ha Shillong Press Club, u waheh chnong u Desus Pohshna da kam u wa ka chnong da rai ko wow pyndam chipor wow man kam kiwa chong chnong ya kini ki man yung deiwa ym tipmit de ya ki kam kiwa chong chnong tangwa ym toh wa da chah kyntait chnong ki.

U Desus da ong u wa ka chnong da khut dorbar ko ya ki la ar sien tangwa ym bien ki wow wan wei da pyrchah ki yaka chnong.

U waheh chong da kam u wa kini ki bru da ujor mukotduma ki cha ka Meghalaya High Court deiwa dawa bai lutsan ya i chna sarok ha ka thaw wa chna ya ka kaam saam um hanlada da dep mynjur ki wow e sñiawbha ya i thaw.

Katkam i kam u waheh chnong, ka PHE da pynche ko wa ka ym ye ko u su bai thaw wei da pynche cha ki paidbah leh wa kiwi ki chnong ha katai ka thaw wei da mynjur ki wow e thaw tangwa heipor wa pynkreh da wan ka ujor wa hap wow yoh bor da ka Clearance Certificate na ka chnat Forest.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa heipor wa pynsangeh, kini ki bru kiwa pyrchah, da wan e ki da ka chithi iyi i daw wa da pynsangeh ya kani ka Scheme wei da man ko ka dooh nong kawa khroo ya ki paidbah wei ki dawa ki wow khut dorbar chnong tangwa da rai da ka Executive Committee ka chnong wow paan pynche na ka PHE wei hadien wa wan kreh biang ka PHE, kini ki bru da ujor pyrchah ki cha ka yung bichaar.

U waheh chnong da pyntip u wa ha u snem 2015, ka chnong Ratacherra da em ko 379 tylli ki yung ha ki 7 tylli ki dong, wei kiwa pyrchah da em ki du 75 yung tangwa kini kiwa pyrchah chnong, ki da kam ki wa ki em ki 106 yung.

U Desus da pynbaad u wa kini ki bru kiwa pyrchah chnong toh neidaw wa ym su ki yaka bai chnong wa kiwi ki emkaam ka chnong.

D ong u wa i pynku bai chnong cha ka 2000, 1000 wa 500 tyngka, da rai da ka dorbar chnong wow kyrchaan ya ki emkaam ka skur Secondary School kawa da pynku na ka Upper Primary school.

Katkam i kam u waheh chnong, i daw wa nyngkong dooh kawa pynmih kulmar, toh nadooh wa pynbna ya ka Sanctuary ya ka chnong. Neiliang ka dorbar chnong, da khut ko ya ki wow wan ya krehlang wow ya pynbait ya iwa wym sñiawthooh yumut.