Pynche ka Congress wa chah pynbaad thang yung ha Lapangap

Shillong: Ka Congress Lapangap Unit kawa haap hapoh ka Nartiang Constituency da pynche ko wa ka ym emkti ko heiwa chah pynbaad wa thang yung kamwa da mih ha ki laad pathai khubor.

Ynne ka sngi, u Secretary ka Congress Lapangap Unit u Dawanmi Lyngdoh chirup wa kiwi kiwi da ong u wa ha ka miet yong ka 13 tarik heipor wa tip ki wa iñ i yung ka Tilda Dkhar da lai e yarap ki wei manda poi heitæ da dep sai lut ya ki tiar ki tar wei da pynbaad leh wa kani ka tre yung da muaid ko.

Katkam wa ong u Dawanmi, wot ha ka ujor leh ym em u chah pynbaad ka Congress wei da suba wa toh mih i awri wa u kurim yong ka hi uwa man uwa kyrchaan ka Congress katwa ka won toh kawa kyrchaan NPP.