Ka Dorbar Chnong Pasyih West Jaintia Hills District da pynche ko heiyatoh i pynmih khubor ka Dorbar Chnong Ialong ha ka 10 tarik uni u bnai wa da kdaw ko ya u pood u ang yong ka chadooh wa poi ka Rajasthan Hotel.
“Ini da man iwa bakla,” da ong ka Dorbar Chnong Pasyih wei ym ye u pdiang yeini i kam pood kulmar yong ka chong Ialong.
Kamtæ ka Dorbar Chnong Pasyih da pynche chooh chooh ko heiyatoh u pood u ang yong ka iwa da tip nadooh nachwa wei hadooh katni toh nadooh na Luti Tuber, Toll Plaza, Lad Sliya kamtæ ter ter.
Ka Dorbar Chnong Pasyih da ong ko leh wa ka ym jooh kam ko ya u pood u ang yong ki marjan chnong khnang yow lait na iwon iwon i ya sñiawthooh bakla lane u mih ki huri hura heiyatoh wa i kaam pood chnong.
Kamtæ da ong wa ini i leh yong ka chnong Ialong da pynkulmar ko ya u pood u ang wei da man ko leh kawa pyndooh yei chongsuk chongsaaiñ wa ki marjan chnong, pynkut ka kyrwoh na ka Dorbar Chnong Pasyih.
