Ka Dorbar Chnong Khliehrangnah Shangpung dap ko da i mynsien wa sñiawkhia hajrong i pynmih khubor yong ki kattu katni tylli ki kot khubor kiwa da pynbaad chaphang ka truck wa kylla ha katu ka sngi ka 10-02-2021 ha yingkieñ Moolichah Shangpung.
Katkam ka khubor haki kot khubor da ong ki wa kani ka truck toh kawa kit mooyong na Khliehrangnah Shangpung.
Kamtæ neiliang ka Dorbar Chnong da ong ko wa hei yong sakhiat chwa u thoh khubor toh u kylli bniah ym toh u thoh kulmar u pynboodnaam yaka chnong lane ya kiwon kiwon.
Neiliang ka Dorbar Chnong hadien wa da kylli takit bha ko da chem wa kani ka truck wa kylla toh ka truck wa wan kit mooyong neiliang Sutnga najan Jaiñtia Cement Factory.
Kat da kamtæ u pynmih khubor wa wan kit mooyong na Khliehrangnah da pynsñiawsih ko ya kiwa chong chnong yong ka chnong Khliehrangnah.
Neiliang ka Dorbar Chnong dei wym yohsa da rai ko da kawi ka yumut wow pynsñiaw pyn-ap khnang wa ym hoi de u jia kam kani ka khubor thok khlem yurim.
Ka khubor na u Morningstar Sungoh, General Secretary ka Dorbar Chnong Khliehrangnah Shangpung.
