Ka Seiñ Kur Dkhar na ka chnong Barato da pynche paidbah ko heiyatoh wa i mih khubor ha u Wyrta haka 20 tarik heiyatoh wa i khlaad uwi u bru tip kam u Khrawbok Dkhar uwa da chah pam da ka wait ha chnong Barato haka 18 tari wei da khlaad noh u ha ka 20 tarik.
Neiliang ka kur da ong ko wa uni uwa da khlaad toh u khon yong ka Yol Tyngkan wa u (L) Bli Situng, wei uni u bru toh u payu ar bei yong u Shidorki Tyngkan uwa chah bom yap ha ki paidbah haka 11-09-22 ha ki thaaiñ Shangpung, uwa chong wa sah ha ka Dong Barato-C, Barato, West Jaintia Hills District kam uwi na kiwa yut napoh ka District Jail Jowai.
Ka Seiñ Kur da pynsñiaw ko leh yei sñiawsih wa neipor cheipor wa jia kamni chi kamni wym em burom de ki bru wei da pynbood naam ki ya ka kur Dkhar.
“Nadooh myntu da kyntu wei heijooh i por da maham wa lada dang em kam kini, neini chakhmat ka Kur Dkhar ym yohsa ko wow leh katkam ki kyndon aiñ pyrchah ya kitu kiwa pynbood naam yei pyrtuid ka kur ka jait yong i, yeini i pyndooh burom kini ki kur ya ka kur yong i.”
“Daw lai noh i cha ka aiñ khnang wow yoh ki u sñiawthooh yei leh yong ki, nga beiñ joor O leh ya kini ki jait kaam sih kaam sang kiwa pyrchah ya ka longbru manbru, kyntu O leh ya ka chnong wa ki VDP Chnong wa ka Police Outpost wa em ha Barato u pait pyrman bha ki, khnang wa kini ki jait kaam wym jia de ki lini chakhmat,” pynkut ka kyrwoh na u Sarlangki Dkhar, u waheh ka Seiñ Kur Dkhar ka chnong Barato.
Puræ leh: Khlaad uwa na Barato hadien wa chah pam da ka wait ha ki bo wa ki pa u
Discussion about this post