Heiyatoh wa i mih khubor u Vicky Dkhar kam uwi na kiwa chah kem ha ki pulit ka East Jaiñtia Hills haka 15 tarik uni u bnai deilang wa u Manoj Muksor heiwa na kini da yoh lang wa i drug Heroin.
Neiliang ka Seiñ Kur Dkhar Jaiñtia Hills Central Body deilang waka Seiñ Kur Dkhar Mihmyntdu Unit da chimkhia ki u thooh tre chaphang u Vicky Dkhar deiwa lai kylli leh na ki pulit ka East Jaiñtia Hills heiwa ki pulit da pynche ki wa u Vicky ymtoh u yong Dkhar tangwa toh u yong Phawa.
Kamtæ ka Seiñ Kur Dkhar kyrpaad ko ya phi ki paidbah wa puræ ya katu ka khubor wym toh u chim wa u Vicky toh u yong Dkhar tangwa u yong Phawa.
Ini toh i pynche na u Harwis C Dkhar, President wa u Hamjhan H Dkhar, General Secretary Seiñ Kur Dkhar Jaiñtia Hills Central Body.
I mih pyrtuid u Vicky kam u yong Dkhar toh deiwa pyntip hi ki pulit wa uni uwa chah kem toh u Vicky Dkhar deiwa phah kyrwoh ki leh cha kiwa thoh khubor.
Puræ leh: Kem ki pulit ya u Manoj Muksor wa u Vicky Dkhar deilang wa i Heroin wa chongdor Rs. 18 lak
Discussion about this post