Ka Loompyri Iongpiah da pynche ko hajrong i mih khubor wa pynbaad ka khon ka dong ha u Wyrta wa da palat 16 kynta neh ko wa ki khon wa yoh COVID-19 ha yung; wa ini toh i wym em yurim. Neibhah nadooh ka kynta wa yoh Report hadooh ynne ka sngi 21-10-2020 chi step chi step dang yaklam dang pyrkhat bait u pynbait ya ini i kaam yong kani ka manbei nadooh i kaam ka chnong hadooh ki pli ki Doctor wa ki wakreh ha Urban Health Center hajrong ini, wei hajrong ini da pynche kamni ha wah.
- Ha ka 16 tarik yong uni u bnai, u kurim yong kani ka manbei da phah Test ya oo da uwi u Doctor uwa lithooh dawai u naki daw wa em u ki dak ki chin (Symptom) u COVID-19 wei hadien wa dep Test ha ka 17-10-2020 da chem wa oo man u uwa Positive.
- Du ha ka sngi wa bood ka 18-10-2020, ka Contact Tracing Team yong ka chnong waka Asha waki wakreh ka Health Department da pyndep ki yei kaam yong ki wow sylli wow kylli. Ha ka 19-10-2020 da chim ya ki Sample na ki wow Test. Ha ka 20-10-20 da yoh ka Report yong ki wei da chem wa kani ka manbei wa arngut ki khon ko da Test Positive ya ki katwa kawi won ka khon ko da Test Negative.
- Katwa toh wa em kini ki khon ko khamtam wa em kawi na ki khon yong ka kawa man Negative, neiliang ka Urban Health da pynchlur ko ya ka wow chong Quarantine ha yung neidaw wym em iwon iwon i dak wa kjut ki (Asymptomatic) neibhah wym tanar u yah cha Institutional Covid Care Center wa ini i khon ko wa man Negative.
- I em yong ini i khon iwa man Negative, da mih chiboon i eh wow pynchong pynthiah wa kammon u leh neibhah wym tanar u yah wa ini i khon iwa man Negative cha Institutional Covid Care Center kamwa em yumut ko u leh.
- Hadein wada yaklam boonsien waka, neiliang u Waheh Chnong, u General Secretary hadooh ki Doctor da e yumut ki wow lithooh noh da u kurim ko na Institutional Covid Care Center yow Quarantine lang ha yung khnang yow yoh ko u paitlang ya ki khon ko.
- Katwa neiliang yong ka leh chem chitom ko wow e yaka rai kammon u leh ya kani ka khon ko kawa man Negative, heiwon u pynchong, yi wow pait. Katwa kamtæ slem noh kani ka kam wow li booh cha Institutional Quarantine Center.
- Hadein wa da e ko ya ka rai wow sah katæ ka khon ko kawa man Negative ha yung wa sah wai ko hei wow em won kawi ka wow pait ya ka, neiliang yong ka chnong da yaklam wa ki Doctor wow lithooh ya kani ka manbei wow li sah Quarantine noh ko cha Institutional Quarantine Center.
- Neiliang yong ka chnong da ong haroh ko yaka wa man da palat ko, ka chnong da kyrpaad ko ya ka Office yong ka Municipal wow siat daiwa (Disinfect) ya i yung wa sah ko, khnang wa ka khon ko wa katæ ka wow yang ya ka yow yoh ki u sah.
- Heiyatoh wei paan ko wow chong Quarantine itæ i khon ko iwa 7 snem ha Ïungwalieh, neiliang ka chnong pynche ko wym em u paan ko. Neiliang ka chnong pathan wa e yumut cha kiwa ha yung yong ka, wa lada ym biang i thaw chong kani ka khon ha yung, ye ko u pynchong ka ha Community Quarantine Center ka chnong ha Ïungwalieh wei heijooh i por u e ka chnong sa iwi i kamra wow chong ki wow pait ya kani ka khon ko marjan heitæ.
Hajrong kini ki kaam kiwa ka chnong da leh ko ya ka, nadooh ynnin wa yaklam ya kape neipor cha i por wa ki Doctor hadooh ynne chistep chistep wa kyrwit yei kaam kani ka manbei, neiliang ka chnong ym tip de ko u ong iyi wa pynman ya kani ka manbei hadooh wow thoh ya kani ka khubor kawa pyndooh burom ym toh du ka chnong wot ya kiwa pli kiwa pait wa yoo ya ka Urban Health Center heiwa da poi ini i yaklam yong ki wa pli hadooh u Deputy Commissioner. Katwa kamtæ neiliang yong ka chnong da leh ki iwa bha tam wei neiliang yong ki pynsñiaw ki yei mynsien wow e khublei ya ka Urban Health Center kawa da kitkhia ya ki kaam ki yong ka iwa man iwa hun wei wym yoh de u ong kammon kammon leh neibhah iwon iwon iwa pyrkhat ko wow leh neibynta kani ka manbei toh wow biang lang wa ki khon ki yong ka.
Ka kyrwoh na u General Secretary ka Loompyrdi Iongpiah, Jowai.
