Pynche ka Moolamylliang wa bakla u Dolloi wow pynbaad ya u Asst. Waheh Chnong

Ka Dorbar Chnong Moolamylliang kawa em ha East Jaiñtia Hills lyngba ka kyrwoh khubor na u Waheh Chnong u Apmon Pachiang da pynche ki yei pynbaad u Dolloi ka Elaka Sutnga wa u Damewanhi Rymbai ym toh u Assistant Waheh Chnong ka chnong Moolamylliang.

Da pynche wa ya u Damenwanhi Rymbai da jied kam u Assistant Waheh Chnong da ka Dorbar Chnong Moolamylliang haka 04-05-15 tangwa neidaw wa mih yaphær yumut hapoh ka chnong, ka JHADC haka 13-06-18 da jied Acting Waheh Chnong ko ya u Tipsngi Syrti. Kamtæ u Damewanhi deilang wa ki dkhot Committee yong ka chnong da neh ki kamjooh khlem da jied thymme ha i por u Syrti.

Haka 10-09-19, ka JHADC da phah ko ya u Dolloi ka Elaka Sutnga wow pynman yaka jied Waheh Chnong haka 19-09-19 wei ka dorbar chnong da jied ko ya u Apmon Pachiang kam u Waheh Chnong wa thymme deiwa emlang ki bru naka JHADC.

Haka 28-09-19 ka Dorbar Chnong da jied thymme ko ya kiwa kitkaam yong ka chnong wei da jied biang ya u Damewanhi kam u Assistant Waheh Chnong ya kawa da dep pdiang leh da u Dolloi lyngba ka chithi yong oo Vide No. Dolloi/ES/2019 dated Sutnga, the 1^st October 2019 wa da thoh u cha ka Adminstrative Officer ka JHADC.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da ong wa man ko ka kamram yong ka chnong wow ujor ya u Damewanhi Rymbai lada ym em man u kam u Assistant Waheh Chnong wei i pynbaad u Dolloi wa ym em man u kam u Assistant Waheh Chnong man ko kawa bakla neibhah da pynsakhiat ya ini da i thoh.