Heiyatoh wa iwa jia ha NEIGRHIMS ha ka tayaaw wa dep heiwa da chah pynbaad wa leh khaler kiwa kreh kani ka thaw sumaar hadooh wa khlaad kawi ka kynthai wa dang 23 snem haka 23 tarik.
Neiliang u Medical Superintendent, u Prof (Dr.) C. Daniala da kyntait u yeini deiwa pynche wa kani ka bru toh kawa da pait da yoo yaka khlem ieh wei man ko leh kawa chitom nei kjut Tuberculosis wa khor bha iwa da ye wow yaleh pyrchah yei dawai wa e ya ka.
Da pyntip wa kani ka bru toh kawa joor bha i chitom wei i rupai ko leh toh iwa da dap um (Fluid) kamjooh da joor bha ka Tuberculosis ko ha kpoh. Chooh chooh da em wa kset hadooh wym ye de ko wow lai paikhana, wei najrong ini toh kawa chitom klongsnaam heiwa da dep chah pooid ko leh neibynta i kjut klong snaam ko ha u snem 2017 ha kani hi ka thaw.
U Dr. Daniala da pynche u leh wa ya kani ka bru da pynsah ka hapoh kani ka Hospital nadooh ka 10 tarik uni u bnai wei da leh boon tylli ki Test heiwa da pyntikna wa em i kset wa khang ya ka wym ye ko u lai paikhana.
Heiyatoh won i pynbaad wym em e Oxygen Cylinder yaka, da pynche u hapoh kani ka Hospital yaka Oxygen da e lyngba uwi u Pipe uwa da pynlai cha waroh kiwa chitom kamtæ ym emkaam wow e da jar jiar ka Cylinder.
Kamtæ da ong u wa ini waroh toh iwa chah pynbaad donhi neibhah ya kani ka bru da pait da sumaar khlem sangeh heipor wa em ko hapoh Hospital.
Discussion about this post