Neiliang uwa e ktien ya ka NEIGRIHMS da pyntip u wa da em i pynpoor khubor thok wa lait kaam Nurse hapoh kani ka thaw sumaar iwa da poor bha lyngba u WhatsApp.
Ha kani ka kyrwoh wa da pynpoor da kam wa da lait kaam neibynta ki 200 ngut ki Nurse deiwa rah donhi ya ki kot ki sla wei ym emkaam wow leh Interview wei i thung kreh toh da ka Contract Basis kawa daw sdang nadooh ka 17-05-21.
Chooh ha ka kyrwoh wa da pynpoor da kam leh wa ini toh iwa da leh jhan neidaw wa em ka la-ær wa ar ka khlam COVID-19 hapoh ka jylla wei kini ki wareh hadien ye ki wow chah thung kreh kam ki wareh wa pura katkam wa kular ka Ministry.
Neiliang ka NEIGRIHMS da ong ko wa ini waroh toh iwa thok suda iwa da wanrah leh yei kulmar ya kiwa kwah kreh kam ki Nurse iwa da wanrah kylla leh yei chitom ya kiwa pynlai ka NEIGRIHMS.
Kamtæ hajrong ini da pyntip cha ka Cyber Crime Branch ka Meghalaya Police yow leh ki yeiwa emkaam.
