Pynche ka RBI yei kam poisa thok ki bru ya kiwa em ya u dak (*)

Ka Reserve Bank of India (RBI) hadien wa em kiwa da pynpoor ha ki rynsan Social Media chaphang ki poisa thok wei kini toh kiwa em ya u dak khloor (*) ha i bynta wa em ki Number Panel, da pynche wa ini toh iwa bakla.

Da pyntip wa ya uni u khloor (*) da booh ha ki Number Panel ka poisa yow pynyoo wa kani da pynmih heithaw ka poisa kawa da chon dei wym biang (Defectively Printed Banknotes) wa da pynmih ha ki poisa kot wa em 100 tylli chi Packet yow biang yukheiñ katwon tylli ki poisa wa da chon wei kini ye ki u man ha ki poisa kot wa T. 100, T. 500 wa kiwi.

Ki poisa wa em uni u (*) ym em mut toh ki wym krehkaam wei man ki kiwa lai kaam hi wei uni u (*) mut donhi wa kani ka poisa toh kawa da chon deiwi næ kawa da pynmih biang heithaw kawa da pyndam neidaw wym biang chon.

Kini ki poisa da tip ya ki leh kam ki “Star Series” deiwa pynche chooh chooh wa kawi pa kawi ka kot poisa em ko u Serial Number uwa phær na kawi won wei em i por sdang ki da ki Number em ki por da ki dak wei manda pynmih da booh bait 100 tylli ha chi song namo ka Packet.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka RBI da sdang ko ya kini ki “Star Series” deiwa wanrah ya ka Numbering System yow pynmih da kiwi ki poisa kot lada em ki wym em biang i chon ha ki 100 tylli wa em ha ka chi Packet yow tip kawon ka poisa wa da chon bakla wei kawon kawa da chon heithaw kani kawa da chon bakla yow biang yukheiñ katwon tylli ki poisa wa da chon.

Kini ki Star Series ym em phær ki na kiwi ki poisa kot tangwa em donhi ki ya uni u (*) ha khap ka Number Panel.

Yeini i pynche ka RBI hajrong kini ki “Star Series” ye phi wow puræ hapoh ka Question 9 ka Section B heini.