Pynche ka seiñ kiwa kamai Taxi yei chah pynbaad wa leh pyrchah aiñ hawa saam Sticker

Ka seiñ kiwa kamai Taxi kawa tip kam ka West Jaiñtia Hills Taxi Owners and Driver’s Association da pynche ko heiyatoh wa iwa chah pynbaad wa chim kabu ki hawa saam ya ki Sticker cha ki dkhot ka Association hadien wa mih khubor wa ini man ko pyrchah ya ka aiñ iwa da pynmih khubor da ki bru wym nood u pynmih pyrtuid ha kini ki tayaaw wa dadep.

Neiliang ka Association da ong ko wa ym jooh em maham ko ya kiwon kiwon ki bru wow chim ya kini ki Sticker wei da leh yeini dei yaklam wa jai jai wei ym em dai 5-6 tylli ki Sticker tangwa toh kawi ka Stiicket ya uwi u dkhot.

Heiyatoh won wa ki Sticker rong Pink, da ong wa kini toh kiwa pynmih da ka yung krehkaam u DTO hadien wa dep u pynthymme ya ki Permit wei katkam wa da phah da ka RTA.

Da pynche leh wa kini ki Sticker ka Association ymtoh iwa chim kabu tangwa kiwa toh u biah ha waroh ki Taxi khnang yow tipmit ya ki kam ki kari wa da biang ki kot ki sla wei kam ki kari wa dadep Register hapoh ka seiñ.

Related posts

Yoh u Kisen Wanniang uwa na Meghalaya ya ka Pradhan Mantri Rashtriya Bal Puraskar

December 26, 2024

Da chem ya uwi u khynnah ha Wahiajer

December 26, 2024

Chooh chooh da ong wa hapoh ka Constitution ka seiñ katkam ka Part III da kdaw che wa waroh ki kari (Local Taxi) hap ki wow Register wei wow chim ya ki Sticker kam ka dak wa da em hapoh ka Association wei ka poisa wa yoh u lum na ki Sticker toh yow yarap ya kiwa yah kari heipor wa kjut wa chitom ki wei hawa jia iwa sñiawsih.

I dor kini ki Sticker toh Rs. 500 kawi.