Jowai: Ka Seiñ Kur Pala Ummulong Unit da pynche ko ya iwa chah ujor ki ar ngut u Briwon Pohshna wa u Welly Muksor kiwa chah pynbaad saam poisa katkam ka FIR wa da booh ha Ummulong Beat House haka 23 tarik uni u bnai.
Ya kani ka FIR da e da u Klinsman Lamare uwa man kam u Election Agent ka Congress na Ummulong Moodymmai Constituency.
Ka Seiñ Kur Pala Unit da beiñ joor ko ya ini i chah pynbaad khlem yurim ya kini ki ar ngut khamtam ya u Briwon Pohshna uwa man kam u pa ha ka kur neibhah katkam wa chem ka kur oo ym toh u bru wow lehke ya kiwon kiwon ki kaam wow pynbood naam ya oo hi, ka kur ka jait kamjooh ya ka chnong ka thaw hi.
Ka Seiñ Kur da ong ko wa ha kini ki sngi da poor ki Video lynga ki Social Media wa kini ki bru saam poisa tangwa hei yong sakhiat ini i Video toh iwa da dep pynchna (Edit) iwa ym em pynyoo yeiwa jia sakhiat.
Ini toh katkam wa pyntip u K. Pala, Secretary Seiñ Kur Pala, Ummulong Unit.
Discussion about this post