Ka Seiñ Raij Tuber lyngba i phah Wyrta na u waheh R Harvis Phawa uwa man u President ka Seiñ Raij Tuber chirup wa u waheh Jolby Sana uwa man u General Secretary ka Seiñ Raij Tuber da kwah ki wow pynche hajrong i mih khubor ha ka sngi kut ka lehniam Behdieñkhlam wa da pynkut ha ka 17 tarik uni u bnai iwa ong ” I pyrchah luti rel toh ka Wyrta na ka Behdieñkhlam ka Raij Tuber”, man i iwa bakla.
Neiliang ka Sein Raij Tuber da ong ko ka kawa man ka seiñ Bei (Central body) ym jooh em kam itæ i rai næ i thmu hapoh ka Committee wei wym jooh yaklam hi leh chaphang itæ wow pyrchah namo u kyrchaan heiyatoh u pynpoi luti rel chapoh ka Ri loom Khasi wa Jaiñtia, wei wym em hi leh iwa kwah u ong hajrong ini i bynta.
Hajrong itu i wa thoh wa ong “Say no to Railway” da ong wa ini ymtoh i sñiaw ka Raij kawa pait ya i kaam niam wei ym tip ki yei yi wa thoh ki bru wei ini toh i pynsñiaw yong samen da ki bru kiwa chna ya ki rong ki rup kiwa pyrchah dei yong ki hi ya ka luti rel.
Kamtæ da ong wa ini toh i pynsñiaw yong samen samen namo yong kitai ki tre wa leh yeini wei ymtoh iwa da phah da ka Raij kam i dak wow pyrchah luti rel.
Discussion about this post