Jowai : Hadien wa mih i kynnoh na ki tre truck wa khrong poisa be-aiñ ka seiñ War Jaiñtia Limestone & Boulder Stone Exporters & Miners’ Association (WJLBEMA), ka Foreign Trade Chamber of Commerce Meghalaya (FTCCM) wa ka Owner & Drivers Trucks Limestone War Jaiñtia Associtaion (ODTLWJA) da kam ki wa kini ki seiñ i kaam yong ki toh u pait yei bha i miat yong waroh ki dkhot ki seiñ wa em hapoh yong ki.
Kamtæ kini ki le tylli ki seiñ da chna ki sa kawi ka seiñ yow wanrah i ya tylli kawa tip kam ka Core Committee wa da man Chairman da u Lop Pohtam.
Kani ka Committe u pait ko leh yei khih moochuni hapoh ka Amlarem Sub-Division.
Kani ka seiñ ha ka yalang wa da pynman ha ka 20 Naisan uni u snem ha ka General Meeting kani ka Core Committee da rai ki yow pynmih poisa yow ye u e i chakri ya ki dkhot yong ka deiwa khrong poisa na waroh kiwa chalan moochuni heiwa u khrong na kawi pa kawi ka truck wa lai lyngba ka Land Custom Station wa em ha Dawki.
Da pyntip leh wa kani ka poisa wa khrong na ki truck toh yong ki wa chalan moochuni wei ymtoh yong kiwa yah truck.
Hadien wa yoh ya ka hukum na ka SDO ka Amlarem Civil Sub-division da rai wow sangeh noh yeini i khrong poisa ka seiñ.
Ka seiñ da ong ko leh wa ka poisa wa khrong da pynemkaam neibynta i bai lutsan yong ka Office ka seiñ, yow su tulop wa ka bai nongsngi cha kiwa pyllai truck kit moochuni ha u sarok NH 40(E), yow yarap ya ki dkhot hei chitom saja, yow chna ya i jæd u sarok wa kiwi kiwi.
Ini man i katkam wa pyntip u Chairman ka seiñ u Lop Pohtam wa u Jt. Secretary u Lahmon Tongper.
Read Also: Chah khrong dan be-ain ki trok ha ka thaiñ Amlarem
Discussion about this post