Hadien wa da mih khubor ini wa dep wa chah kem u Jimmy Sutnga uwa dai drugs ha ki pulit ka Jowai, neiliang ki dkhot yong ka Seiñ Kur Sutnga 14-Khrong Jowai Unit da lai yachem ki wa kiwa ha-yung ha-sem yong u Jimmy yow thooh yei sakhiat heiyatoh wei kur yong u Jimmy.
Wei hadien wa da kylli takit, neiliang kiwa ha-yung yong oo da ong ki wa ki toh ki yong Pdang. Kamtæ neiliang ka Kur Sutnga booh ko kani ka pynche wa sñiawbha wow puræ yei pyrtuid u Jimmy Sutnga kam u Jimmy Pdang.
Heijooh i por ka seiñ kur Sutnga da maham joor ko ya kiwon kiwon ki bru kiwa pynbood naam yei pyrtuid ka kur deiwa kam kulmar khlem da toh tre wei lada chem neini chakhmat ka seiñ kur wow pynchitom ko katkam ki kyndon krehkaam ka seiñ.
Puræ leh: Yoh kem ki pulit ya u heh kiwa dai drugs ha Jowai
