Pynche ka sorkar yei mih khubor pyrchah yei chna ya ka Taj Umiam Resort & Spa

Ka Tourism Department ka sorkar Meghalaya da pynche ko yei mih ki khubor wa khlem yurim heiyatoh wa i thmu wow chna ya ka Taj Umiam Resort & Spa deiwa ong wa kini ki khubor wa mih toh kiwa bakla.

Kini ki khubor wa da mih toh kiwa da sñiawkhia yei chah ktah ka nan Umiam khamtam ka Lumpondeng Island. I pynche da ong wa kani ka thaw wow chna ya kani ka Taj Umiam Resort & Spa toh hei thaw wa heh 66 Acre heiwa 36.10 Acre toh ha Lumpondeng Island wa 29.64 Acre won ha iwa da em chwa ka Orchid Lake Resort katni wei da pynkhreh wow leh yeini yow wanrah ya ka “High-Value, Low-impact Tourism” deiwa pyntikna wa ki soodong sookun u yada ki.

Da ong leh wa ha Lumpondeng Island ym chna ya iwon iwon wa man pura namo Permanent.

Da pyntip leh wa ka Umiam Hotels Pvt. Ltd. kawa da man leh kam ka Special Purpose Vehicle (SPV) yow pynkreh yeini, da yoh ko ya ka Consent to Establish (CTE) wei kani ka SPV da soi soskular MoU ko wa ka Indian Hotels Company Limited (IHCL) yow pynchna ya kani ka “Taj Umiam Resort & Spa”. Heiwa waroh i kreh u leh katkam ki kyndon ka IHCL neibynta i naam i pyrtuid ka Taj deiwa leh heitæ i rukom wa ki kyndon wa bha dooh.

Related posts

Yoh ka Meghalaya Rs. 49.2 klur na ka 15th Finance | Daw myntoi ki District Council

March 31, 2026

₹127 klur u pynlut ka sorkar yow e yarap dei baam wa tei neibynta ki 1000 sngi nadooh wa kha yei khonboo

March 31, 2026

Da ong leh wa ka IHCL toh kawa dadep wow chna kiwa boon ki jait ha ki thaw wa em cha sor wa cha palatsor kamjooh ha ki thaw wa man kyrpang.

Da e nongmuna leh wa ha u 2008, ka IHCL da psiah ko hapoh ka EarthCheck Certified Program. Kat hadooh u 2020, 78 tylli ki IHCL Hotel toh kiwa chimkhia ya ka ramaw, wot ya kiwa chong chnong. Kawi na kini toh ka Taj Madikeri Resort & Spa, Coorg, kawa da chna hapoh ka khloo (Rainforest) heiwa da ah du kattu katni donhi ki dieñ yow chna ya kani ka Resort.

Heiyatoh wa ka Taj Umiam Resort and Spa won daw man ko kawa bood wei pynhun ya ki kyndon ka Forest (Conservation) Amendment Act, 2023, ka Waterbodies (Preservation and Conservation) Guidelines, 2023 wa waroh ki kyndon wa da booh da ka Meghalaya State Pollution Control Board wa kiwi de ki bor sorkar.

U chimkhia leh ya kani ka ramaw wa khian (Local Micro-Ecosystem), yow lait u chah ktah ki sim wa ki doh-um deiwa booh ya kini hakhmat dooh wei deiwa pynbiang leh ya kiwa boon nadooh i rukom pynlang yei jhep wa kiwi de katkam ka aiñ.

I pyntip na u Commissioner & Secretary ka Department of Tourism.