U Mission Director ka National Health Mission ka sorkar Meghalaya, u Ramkumar S, IAS da pynche u hajrong i mih khubor wa em ki tika wa da chna thok kiwa da pynlai yaw hapoh India, deiwa ong cha ki paidbah wa ka sorkar em ko kiwa khor bha ki kyndon heipor wa kit ya ki dawai tika kamjooh hawa sai ya ki na ki thaw booh namo ki Cold Chain System.
Da khana u wa ya i tika yada na u COVID-19 da chim bait na ki thaw booh (Vaccine Store) lane deiwa chim bait na i thaw wa chna ya ki dep te kit ya ki cha ka thaw booh hapoh ka jylla (State Vaccine Store) deiwa bood lang ki bru kiwa da e bor wow pait ya ini.
Hadien ini da phah ya ki cha ki Cold Chain Point kiwa da phah won cha ki thaw e tika kiwa em hapoh ki District. Ya kini heijooh i por da bood (Tracked) da ki eVIN (Electronic Vaccine Intelligence Network) System kawa ye u tip heiwon em kini ki Vaccine ha iwon iwon i por. Kani ka System da e u tip ko yei Batch Number kamjooh leh hadooh katwon da dep wow pynemkaam.
Kamtæ da kular ya ki paidbah wa waroh ki tika wa em hapoh ka Meghalaya toh kiwa pura wa kiwa krehkaam wei ym toh wow artatien ya ini.
Da kyntu ya ki paidbah wow lai chim yei tika ha kiwon kiwon ki thaw e tika ka sorkar wa ha ki Hospital ki bru samen kiwa da dep jied. Ye leh wow lai ha ka www.cowin.gov.in yow tip heiwon i thaw wa e tika wei ha ki thaw ka sorkar ya i tika toh iwa da e dei mynkna. Da kyrpaad leh ya ki paidbah wym toh u pynpoor ya ki khubor hamsaya.
