Ki Doctor Veterinary kiwa leh yei kaam (Duty) ha Umling Livestock Checkpost da kyntait ki yei mih khubor wa deiwa mynjur lang da khang ki ya kani ka khyrdop.
Da pynche wa ki Doctor wa em Duty da ieh ki ya kani ka Check Gate deiwa pyrkhat yei man chngaaiñ yong ki heiwa haka miet wa bood da pteiñ biang ki yei kaam yong ki hadien wa pynbiang pulit ki bor District.
Da pynche leh yei mih khubor wa da yut wei da khang ki yaka Checkpost hadien wa em ki bru wa wan chimkti ka wei ini toh iwa bakla wei i ieh ki yei kaam toh neidaw wa tieñ ki wei ym em de man chngaaiñ wow em ha ka Checkpost.
U Director ka AH&Veterinary leh da kyntait u yei mih khubor wa em i khrong poisa ha ka Umling Livestock Checkpost.
Kamtæ da ong wa lada em kiwa em sabut wa em i leh wym biang ha kani ka thaw yei ki wow lai pyntip cha ka sorkar.
U Director da ong u leh wa i thmu wa em kani ka Checkgate toh yow pynsakhiat ya ki kot ki sla wa kynthup ya ki Health Certificate yow pyntikna wa ki mrad wa em kjut ym psiah ki chapoh ka jylla kamjooh yow khang yei chalan tooh ya ki masi cha Bangladesh.
