Ki pulit ka East Khasi Hills da pyntip ki wa da em ki khubor wa da pynpoor ha ki rynsan Social Media wa em u jaitbru ri-loom wa chah dat ha ki wym toh ki jaitbru ri-loom ha Ichamati.
Ki pulit da pyntip ki wa hadien wa pynman yei takit da chem wa da em i ya kajia hapyrdi ki arngut ki jaitbru ri-loom ha Lailad Bholaganj iwa da poi chei yachoh heiwa uwi na ki da mynsoo u malu mala.
Uwa chah dat da lai u dei bor yong oo hi yow lai phah sumaar. Wei neiliang ki pulit da phah hajir ki ya waroh arngut yow wan ki cha Police Station heiwa da khana ki wa em i sñiawthooh bakla para ki hi wei ym em kwah ki wow ujor wei wow lai chakhmat ka takit.
Kamtæ ki pulit da kyrpaad ki ya ki paidbah wym toh u pynpoor ya ki khubor hamsaya iwa ye u wanrah yei pynthut ha ka imlang sahlang.
