Heiyatoh wa i em wa jia ynnin ka 26 tarik heipor kamwa 12 waje pyrdi sngi wa em kiwa yah thuk-thuk kiwa mut u psiah na Assam cha Meghalaya ha Mawsikar, West Khasi Hills District, neiliang u Asst. Inspector General of Police (A) u GK Iangrai da pyntip u wa kini ki bru toh kiwa da lai liwan biang.
Kini ki bru wa wan da kamwa 60-70 tylli ki thuk-thuk deilang wa em kiwa chong hadien wa 2 tylli ki kari Bolero da lai ki cheiliang ka chnong Mawsikar tangwa da khang ya ki da kiwa chong chnong wow psiah ki kiwa da khang chwa yaki sarok, wei mar ya tip yeini, u Additional District Magistrate u PD Sangma, MCS deilang wa u Sub-Divisional Police Officer, (Mawshynrut) u I. Kharkhongor, MPS da lai ki cha Langpih yow chem yeiwa jia.
Katkam wa pyntip da ki pulit ka Langpih AD Camp wa u Magistrate wa em Duty ha Langpoh Check Gate, da ksoh ki ya 6 ngut ki bru wa uiñ ha yaw Langpoh wei da phah biang ya ki wow liwan ki cha Assam neidaw wa dang khang yei lai na kawi ka jylla cha kawi.
Ya kiwa yah thuk-thuk da liwan ki na thaaiñ Mawsikar wa Langpih deiwa synran ki pulit ka Assam wei neidaw ka Mawsikar wa Langpih man ki ki thaw wa em i kajia pood da booddien bha ya ini da u SP ka West Khasi Hills uwa da ya krehlang wa u SP ka Kamrup District, Assam.
