Hadien wa da khyrngiat ki tre dukan kamjooh ki bru paidbah wow yoo ynne i step yei em wa biah ya ki Poster wa thoh ya i kyntien “Wa Bakla” ha kylleiñ ka Iawmusiang wa ha Amlarem heiwa hadooh ki pulit leh da lai takit ki yeini neidaw wa da khuslai kiwa boon boi ye u man wa leh da ki bru wa em i thmu wa sih.
Neiliang kiwa leh yeini hadien wa yoo ki yei mih khubor, da pyntip smat ki cha u Wyrta wa ym em mut ki iyi iyi wa sih tangwa man ko kam ka kynja Advertisement næ ka Publicity Stunt ya iwi i kaam wa daw pynbna paidbah ki ha ka 5 tarik u bnai May.
Da pyntip ki leh cha u OC ka Jowai Police Station uwa da pdiang yei pynche ki.
Kini kiwa lai biah ya kini ki Poster da pyntip ki wa da leh ki yeini hei miet ka 28 tarik wei da leh ki yeini hei bynta ka Iawmusiang, Jowai hadooh wa poi ka Stand Indica wei da leh leh yeini ha chnong Amlarem wei da mut wow pteiñ wow leh cha kiwi ki thaw tangwa neidaw wa da mih i kulmar da rai ki wow sangeh chwa.
Da ong ki leh wa ha ka 5 tarik u bnai May daw pyntip paidbah iyi mut ini i kyntien “Wa Bakla” wa da thoh ha kini ki Poster wei ki paidbah leh ymtoh u khuslai ki neibhah ym em iwon iwon i thmu wa sih da ini wei man ko du kam ka buit wow katik yei pyrkhat ki paidbah.
Neidaw wa ya kini ki Poster da biah cha ki chram dukan, da pynman ya ki tre dukan wow khuslai boi em iyi ræ iyi i thmu sih.
Discussion about this post