Pynche kiwa chong chnong Khliehtyrchi wa ki 1437 wa soi pyrtuid wow pynman Election toh kiwa chah yah bakla

Jowai: Katkam ka khubor wada mih heiyatoh wa kam u waheh chnong warim ka Khliehtrychi wow kyrpaad na u CEM ka JHADC wow pynlai bait yaka Election jied waheh chnong ha chnong Khliehtyrchi heiwa da kyrchaan yeini da palat 1437 ngut, man kawa thok donhi, i daw toh deiwa wa yah bakla ki ya u paidbah, neibhah i phah soi pyrtuid ya kiwa chong chnong da pynbeij ya ki hei dur wow yoh kreh Job Card thymme hapoh chnong wei wow paanmaap na u Dolloi ka Elaka Jowai.

Da ong ki ha-o, kam ki paaid chong chnong ka Khliehtyrshi pdiang ki yei rukom jied waheh chnong  da ka Secret Ballot neibhah toh ka rukom wa miat tam, tangwa i daw wa kyrpaad ki naka JHADC wow thung chwa da u Acting waheh chnong toh hajrong ka yurim wa hadooh katni ki paidbah chong chnong wym pu em yoh ki yei pynche na u waheh chong warim heiyatoh wa i lut i sep hapoh chnong la 3 snem kattu wot hadooh wada kut ka samoi krehkam yong oo leh.

Da ong chooh chooh ki wa yeini da dawa ki toh katkam ka aiñ Waheh Shnong yong ka JHADC hi watip kam ka “The Jaintia Hills Autonomous District Council (Establishment of Elaka and Village and Election, Appointment, Powers, Function, Jurisdiction of Dolloi, Sirdar and Waheh Shnong Act 2015”.  Kawa ong wa yeilut i sep ka chnong toh u pynche paidbah wei u yoh ka Report naki Auditor ka Dorbar Chnong wym naka Committee chnong.

Neitæ won da pynkynmoo ki wa haka dorbar wada khut pynman da u Dolloi ka Elaka Jowai  haka 3 tarik yong uni u bnai ha ka yung Hall ka chnong, ka Hall da dap ko lyngba i wanmih ryntih u paidbah wa angnood wow sñiaw wow yoh yei pynche yei lut i sep hapoh ka chnong ka thaw iwa ym jooh yoh ki chi kattu, seiwi leh em ki i kyrmen i sñiaw chngaiñ wada emlang u pa Dolloi, tangwa da jia mar dei kylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong ki wa hei thaw wow wanrah chwa i pynche paidbah yaki Scheme wada pynkreh hapoh chnong kamjooh i lut i sep, u Dolloi da pynbna pathan u wow em ka Election jied waheh chnong haka 21 tarik uni u bnai.

Kani man ko kawa bakla wei wa pyrchah yaka aiñ yong ka JHADC, neibhah hei yong sakhiat hi chwa wow jied ya u waheh chnong wa pura ki paidbah toh u yoh ki yei che chwa yei lut i sep ka chnong.

Ya kani ka khubor da pyllait daka Arlin Dkhar waka Dita Phawa wa chnong chnong ka Khliehtyrchi, West Jaiñtia Hills District.

I dur toh i wan ki paidbah chong chnong ka Khliehtyrchi wow ap yaka Audit Report haka 03-10-2019.