U Elias War uwa man kam u President ka Congress Unit yong ka chnong Khliehriat Mynkrem, West Jaiñtia Hills da pynche u cha phi ki paidbah ka 1-Nartiang Constituency wa oo deilang wa u Karnel Lamin ym em psiah ki cha ka seiñ NPP katkam wa mih khubor wei dur haka 19 tarik uni u bnai.
“Kwah i wow pynche wa i yohlaad ki u chondur toh deiwa khut hi-eh uwi na kiwa yahkhmat wa heh ka seiñ NPP wow ya lai dihcha cha yung yong oo wei dei mynsien wa khooid wa chida i da lai i cha yung u tangwa manda poi ha yung yong oo da em uwa mihkhmat ka thaaiñ wei da khut u ya i wow chongdur chirrup wa oo heijooh i por khlem sñiawthooh sñiawthaw da pynkup ya i da ka labon yong ka Party NPP wei chongdur u wa i chirrup. Hei manbru wa duna yong i, ym tip i wa daw phah ki yei dur wa ya chonlang i cha ka kyrwoh khubor deiwa chim kabu ya i.”
Heijooh i por kwah i u pynche cha phi ki paidbah wa u Lari Sungoh ym toh u Secretary ka Unit Congress weiwa u Emil Pale leh ymtoh uwa em Vote hapoh ka chnong Khliehriat Mynkrem wa haka 1-Nartiang Constituency.
Heini kwah i u pynche cha phi ki paidbah waki para wa kyrchaan ka Party Congress wa i man i kiwa yieñskem kam kiwa kitkaam wa kiwa kyrchaan ka Party Congress wei ym em wa ye u thied ya ka Vote yong i.
Puræ leh: Psiah NPP kiwa kitkaam ka Congress wa uwa kyrchaan kyrtong samen ha Khliehriat Mynkrem
