Jowai: U Ailad Bhoi u Waheh Chnong wa chipor ka Ladmukhla da pynche u wa ka General Meeting yong ka Dorbar Chnong Ladmukhla West Jaiñtia Hills kawa man haka 17-07-2017 ha yung Dorbar Hall yong ka chnong toh kawa pynman man u snem. Da pynman ya ka hajrong ki phang wa boon jait kiwa toh neibynta i bha i miat ka imlang sahlang kamjooh wow pynthymme ya kiwa ki kitkaam hapoh ka chnong wa da kut ka samoi krehkaam yong ki.
Ha ka tai ka yalang paidbah kawa emlang kiwa chong chnong da chim ki ya kawi ka rai kamjooh leh deiwa burom ya ka aiñ kawa booh da ka JHADC wow jied noh ya u Waheh Chnong deiwa thap Vote.
Kiwa yalam chnong da ong ki wa katkam i kam u Mar Sari uwa ong wa em i bakla hajrong ka Audit Report ka chnong da pynche ki deiwa ong wa ini toh i kam bakla wei ka chnong da dep pynche ko hakhmat kiwa boon wa lang hajrong ini wei ki paidbah da hun ki khlem em de i khñium.
Chooh chooh kiwa kitkaam warim ka Dorbar Chnong da kyntait lut ki yei pynmih khubor uwa chong chnong wa mih i kulmar neibhah ym em yurim ko iyi iyi leh wei man ko du ka buit yong kiwa kwah wow pynboodnaam ya ka chnong ka thaw.
Da pyntip leh wa ya i jied Waheh Chnong da pynman da ka thap Vote (Secret Ballot) nadooh u snem 2009 wei ha uni u snem u man ko ka sien wa san wa pynman da ka Secret Ballot. Kamtæ ini ymtoh de u man kawa sñiawphylla neibhah toh kawa jooh leh hi ka chnong wei da pyntip ko leh cha u Dolloi ka Elaka wa cha ka JHADC.
Ha ka tai ka sngi ka Dorbar Chnong da rai ko wow thung ya u Assistant Waheh Chnong ya u Ailad Bhoi u wow man kam u Waheh Chnong wa chipor kat wympu yoh ya u Waheh Chnong wa pura.
Kani toh katkam ka khubor wa da phah da u Ailad bhoi Acting Waheh Chnong, Secretary Chnong Eskhembor wa ki dkhot ka chnong.
Also Read: Mih i kulmar jied WC ka Lad Mukhla, mih da ka rai wow thap vote
Discussion about this post