Pynche u CEO ka MeECL hei yatoh wa i dooh light khlik khlik khlak khlak

Jowai: U Chief Executive Officer (CEO) Eastern Circle ka MeECL u M.B. Kurbah hawa yaklam u wa kiwa thoh khubor ong u wa i daw wa joor i dooh light ha Jowai tooh wa neidaw wa ka Jowai ym pu em yooh ko u yong ka hi u line neibhah kamwa man katni ka Jowai dang yoh ko u jooh u lain wa lai cha ki thain Ri-War hapoh Jaiñtia Hills. Ka sub-station wa em ha mustem toh em ko uwi u line cha liang Amlarem wa cha Jowai neitæ i daw lada sih ka light cha thaaiñ War ka Jowai leh dooh light wot ko.

I daw wa joor i dooh light ha kini ki tayaw wada dep toh neidaw wa joor u slap wa ka la’ær yong cha Amlarem Civil Sub-Division kawa da ktah joor ya waroh ka West Jaiñtia Hills.

Chooh chooh u ma Kurbah ong u wa yow pynkhlad ya ka Jowai dei yong oo ka hi u line da lai i chakhmat wei emkaam palat T. 5 Klur wei ya kani ka poisa daw kyrchan ka Power System Development Fund yong ka sorkar India. Kani ka poisa leh u pynbiang ko ya u line Khliehtyrchi Sub-Station ka wow yoh yong ka hi ka line na Mustem yow pnybiang light nei bynta ka Umngot Water Supply Project.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U ma Kurbah ong u wa neiliang ka MeECL da e ko ya ka detail Project Report Report (DPR) cha ka RADRP Pt-B (Restructed Accelerated Powert Development Reform Programe). Wei da dep leh u pynbiang ya waroh iwa emkaam u pynkhlaad ya ki line wei katwa ya ka Jowai ye u pyndep noh yong ka hi u line hapoh ar bnai lada ym pynwit ka rymaw.