Pynche u Chancellor ka USTM hajrong i thmu wow yarap ya ki khynnah wa chah ktah na Asaam

Hadien wa mih i pyrchah yei thmu ka University of Science and Technology Meghalaya (USTM) wow yarap ya ki khynnah wa chah ktah nei chah beh ki manyung ha Assam, u Chancellor kani ka skurbah, u Mahbulbul Hoque ynne da pynche u hajrong ini.

Hawa klam wa kiwa pathai khubor, u Hoque da ban joor u hajrong ka yurim wa yieñ ka USTM wow kyrchaan ya ki khynnah wa duna hei yoh i laa kamjooh kiwa chah ktah nei chah chah beh ki manyung ha Assam deiwa ong wa kani man ko ka thong hi ka skurbah nadooh wa sdang.

Da ong u wa i lai luti kani ka skurbah da sdang i nadooh u 2001 wei nadooh kitai ki snem da kyrchaan ya ki khonswet, kiwa chah ktah nei kynaad kamjooh kiwa wan na ki manyung wa duna hei yoh i laa wei ini ymtoh i kaam wa thymme ka USTM.

Chooh chooh da ong u wa ka “Mission Educational Rehabilitation” toh wa da sñiawthooh bakla da ki kattu katni wa ki seiñbhalang kiwa da pynbaad wa kani ka skurbah u kyrchaan ko du ya kiwa chah ktah nei chah beh ha Assam.

Deiwa ong leh wa lyngba ini dadep leh wow e yarap ya 12 ngut ki khynnah Khasi kiwa da wan na ki manyung wa dooh wa duk heiwa da e ya ki da ka Scholarship yow ye ki u lai puræ Undergraduate ha USTM khlem da hap ki leh wow su ya ka Tuition Fee.

U Hoque da pynche u wym em i thmu wow yarap ya kiwa chah ktah nei chah beh ha Assam næ wow wanrah ya ki khynnah waroh cha ka USTM næ kawon kawon ka thaw puræ kani ka skurbah ha Meghalaya tangwa deiwa ong ki khynnah toh kiwa dang hei rta wow lai skur wei ymtoh ha ki College. 

Related posts

U phah chna ki luti kjat deilang u booh ki Speed Breaker ha kiwa boon ki thaw hadien wa jia ha Thadlaskeiñ

August 26, 2025

Ye u em iyi iyi cha lyndet i rai ka sorkar wow su tulop ya kiwa kreh ki District Council: Andrew Shullai

August 26, 2025

Da ong u leh wa kani ka skurbah kreh ko katkam ki yurim wa skem wei da pdiang ya ki khynnah katkam ki kyndon wa da booh wei em ki i bahkhlieh wa i krehkaam wa kamjooh i khooid.

Heijooh i por da ban skem u wa ki Class neibynta uni u snem da sdang ki wei ym em i thmu wow pdiang ya ki khynnah wa thymme.

U Hoque da pynrap u leh wa da em ki bru wa da kynjoh ktien ya oo hajrong ini wow paan yei pynche wei da emkaam hi leh wow pynche yeini deiwa pynrap wym em yatoh ka skurbah wa kiwon kiwon ki seiñ saiñhima næ yeiwa leh ka sorkar Assam wei kwah ki wow yarap du ya kiwa emkaam sakhiat deiwa bood ya ki kyndon aiñ.

Puræ leh: Wa thmu ka USTM wow e yarap ya ki khynnah wa chah beh chnong na Assam, lai pynsñiaw ka HITO yei pyrchah