Ha kini ki sngi wa dadep ki MDC da lai yachem ki wa u montri rangbah ka jylla, u Conrad Sangma heiyatoh wa ka poisa wa e ka sorkar pyrdi lyngba ka Ministry of Finance kawa kynjoh T. 91 klur.
Neiliang u Conrad da pyntip u wa em ar bynta heiyatoh wa ini heiwa ka bynta wa nyngkong toh ka Untied Fund kawa T. 45 Klur (ya kawa da e cha ki Council) wa kawi toh ka Tied Fund kawa toh neibynta i pynkreh kyrpang du neibynta ka Jal Jeevan Mission (JJM).
Da ong u wa ki MDC da yachem ki ya oo wow yaklam wa lada ki wow pynkreh ya ka JJM namo ka PHE ka wow pynkreh ya kani ka Mission heiwa emkaam wow che yeini.
Da pynrap u leh wa ym slem de daw che ini waroh deiwa bood ryntih ya ki kyndon ka Mission khnang wow lait na i sñiawthooh bakla wa i kulmar.
