Jowai: U DC ka WGH hadien wa pynmih hukum u wa ym chah wow ri sniang hapoh u pood u ang ka Tura Municipal Board iwa da wanrah ya i kjut Japanese Encephalitis iwa da ktah khamtam yaki khynnah, da phah u yaka Municipal wow li chim noh ya waroh ki sniang wei wow pynchitom leh ya kiwa ri sniang hapoh ka Municipal.
U DC da phah u leh yaki dong ki chmiang wow chimkhia ya kani ka kaam neibhah ya kani ka hukum wow khang yei ri sniang da pynmih u da slem.
Hei yatoh wa ini i kjut Japanese Encephalitis neiliang u DC da pynman u yaka yalang pynsñiawthooh paidbah wei kamjooh wow siat dawai Indoor Residual Spray (IRS) wa DDT ha Tura daka chnat ka chait ka khiah.
Da phah biang leh yaka Tura Municipal Board wow pyntikna ki wa ym em de kiwa ri sniang hapoh yong ka wei yaki dong ka Tura wow krehlang ki hei yatoh wa kani ka kaam.
Discussion about this post