Pynche u DC ka WKH yei chah pynbaad wa em pyrtuid ka bei wa u pa u ha ka Electoral Roll

Jowai: Hadien wa ka KSU-Nongstoin Circle da pynsñiaw ko yei pyrchah yei em ki pyrtuid ka bei wa u pa u DC ka West Khasi Hills u Arunkumar Kembhavi ha ka Electoral Roll khlem tip kiwa synchaar chnong deiwa ong wa ini i yoh ki baar jylla wow psiah pyrtuid kamni wei yoh EPIC da man ko ka hiar thma wa suki suki ki baar jylla, wei heiyatoh wa ini neiliang u DC da e u yei jubab hajrong ini i chah pynbaad.

U DC da ong u wa nadooh wa chimkti u kam u DC ka WKH nadooh ka 06-02-17 ka bei wa u pa u da wan sah lang ki wa oo wei yei pyrtuid yong ki da pynpsiah ki hapoh ka Electoral Roll hadien wa pyndap ya ka Form 6 wa u Electoral Registration Officer tangwa ya ka kurim yong oo won ym em pyrtuid ko hapoh ka Electoral Roll neibhah ym em ko ha Nongstoin wei dang lai puræ ko cha Bangalore.

U DC da ong u leh wa ka bei wa u pa u haap ki hapoh ka kyndon “Ordinarily Resident” katkam ka Section 20 ka Representation of the People Act 1950. Da ong u leh wa heipor wa kreh u ha Mairang wa ha Jowai, ka bei wa u pa u ym em sah slem ki wa oo ha kitu ki por. Wei ha kani ka Election wa dang dep ym em thap Vote ki neidaw wa u pa u chah sumaar u ha JIPMER Pondicherry ha ki sngi wa thap Vote.

Chooh chooh da ong u wa neidaw wa da chah kyrriah kreh noh u na Nongstoin kamtæ i pyrtuid yong oo wa ka bei wa u pa u daw chah pyndam noh naka Electoral Roll.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U DC da ong u leh wa sñiawphylla u wa mih du ki pyrtuid ka bei wa u pa u kam kiwa Vote wa artatien (Dubious Voter) tangwa ym de kiwi ki pyrtuid wa mih wei hadooh da em kiwa ong wa u DC ym em hok u wow thap Vote hapoh Meghalaya.