Hadien wa mih i beiñ da ka seiñ ki laad pathai khubor ka Garo Hills kawa tip kam ka Garo Hills Press and Media Association (GHMPA) kiwa da ong wa luchia ki bor District ka South Garo Hills yei kaam kiwa pynmih khubor deiwa phah hajir ya uwi u YouTuber, u Tatu Marak da u BDO ka Chokpot C&RD Block.
Neiliang u DC ka South Garo Hills da pynche u wa i phah hajir ya u Tatu Marak toh yow paan pynche yei pynmih khubor u heiyatoh wa i chlai um hapoh ka Chokpot C&RD Block, South Garo Hills District.
U DC da ong u wa kani ka khubor wa pymih u Tatu Marak toh kawa du chiliang donhi heiwa da yaklam u wa ki bru wa chah ktah tangwa ym em won lai paan pynche na ki bor District yeiwa kam kini ki bru wa yaklam wa oo.
Da ong leh wa iwa da pynmih ha u YouTube Channel ‘NEIG NEWS’, ym em yahaap i wa iwa jia sakhiat wa iwa kreh chitom ka sorkar kamjooh ki bor District wei ym em leh pynyoo deiwa sakhiat yeiwa lai e yarap nadooh ki mar baam wa kiwi de da ka sorkar cha kini ki bru wa chah ktah ha ini i chlai um wa joor bha.
Kamtæ da pynche wa i phah hajir ya u Tatu Marak ymtoh wow khang ya oo wow leh u yei kaam u tangwa emkaam donhi wa manda pynmih khubor wow ap yeiwa ong yong waroh ar liang khlem da pynmih ka khubor kawa leh chiliang, heiwa da e laad leh ya u Tatu Marak yow pynche u yeiwa leh u iwa ha itu i por da pynkulmar pyrkhat ya kitu kiwa kreh wow lai e yarap cha kiwa chah ktah wei da man i leh kam iwa khlem da kheiñkor yei kreh ki u lai e yarap cha kiwa emkaam jhan yei yarap.
Discussion about this post