Jowai : Hadien wa mih ka khubor hajrongka phang “Chah kdaw kti ka Ophis u DTO yei e kulmar ya ki license” ha kani ka 15 tarik, heiwa da kynnoh pyrchah boonjait ya kani ka yung krehkaam heiwa da kreh khaler ko yei kaam yong ka.
Hei yatoh weini neiliang u DTO ka West Jaiñtia Hills, u P. Laloo hei yaklam wa u Wyrta da pynche u deiwa ong wa ini i chah kynnoh ka Office man i iwa khlem nongrim.
Da ong wa neiliang kiwa kreh da yaleh ki katwa ye wow pyntoh pyntne yei emkaam ki paidbah katkam ka aiñ.
Heijooh i por da pynche u deiwa ong wa hei yatoh wa ki license, hachwa wow e ya ki daw leh ya ki Driving Test iwa pynbood won sa ya ka Signal Test wei ka Office ym e license ko lada ym pyndep ki ya kini ki test.
Neiliang u ma Laloo da kyntu u leh wa lada em iwon iwon i ujor pyrchah ya ka Office ye ki wow wan mih cha ka Office yow yoh yei pynche na kiwa kreh yong ka.
Also Read: Chah kdaw kti ka ophis u DTO yei e kulmar ki ya ki license
Discussion about this post