Jowai: Hei yatoh wa ka khubor wa phah da ki bru u MDC ka 5-Musniang-Rangad Constituency u Phasmon Dkhar wa pynlut u T. 80 Lak na kata wow chna ya ka madan yalehke Football ha dong Umchongpet, Wapung Skur da pynche u wa ka T. 80 Lak toh wa da pynlut u wow wanrah ya ki kaam pynroi hapoh waroh kawi ka chnong ym du ya ka madan.
Tangwa ya ka madan hi da pynlut u na ka katta yong oo hi.
Da ong u wa da em i sñiawthooh bakla heipor wa phah khubor ki bru yong oo kiwa da ong wa T. 80 Lak toh du neibynta ka madan wei da kyntu u ya ki paidbah wym toh u sñiawthooh bakla ki hei yatoh wa ini.
Discussion about this post