U Montri ka sorkar pyrdi wa pait yaka Petroleum and Natural Gas, u Dharmendra Pradhan hawa e yei jubab wa thoh dei thoh ha Rajya Sabha ynne ka sngi da ong u wa i dor phniang (Crude Oil) toh iwa kylla man-ka-sngi ha ki yaw ka pyrthai. Kamtæ deiwa kheiñ kyllum lang yei dor i Crude Oil wa da ye u thied yaka ri (Indian Basket of Crude Oil) ha kini ki 5 snem man ki kamni ha wah:
| Financial Year | Indian Basket of Crude Oil ($/bbl) | Import of crude oil (‘000 Metric Tonnes) |
| 2015-16 | 46.17 | 202850 |
| 2016-17 | 47.56 | 213932 |
| 2017-18 | 56.43 | 220433 |
| 2018-19 | 69.88 | 226498 |
| 2019-20 | 60.47 | 226955 |
I phiang (Crude Oil) wa thied ka India kynthup ya i Sour Grade (Oman & Dubai Average) wa i Sweet Grade (Brent Dated) kiwa da chna won cha i Petrol wa Diesel wa kiwi ha ki karkhana Refineries wa em ha India.
Da pyntip u leh wa i dor Petrol toh iwa da ieh ha ki yaw ki haat wow booh yei dor nadooh ka 26-06-2010 katwa ha ka 19-10-2014 won yei Diesel. Nadooh kini ki por, ki Public Sector Oil Marketing Companies (OMCs) da chim ki yei rai wa yatoh wa i dor phniang Petrol wa i Diesel katkam i dor ha ki yaw ki haat ka pyrthai. Kamtæ ki OMC ym du wow pynku ki yei dor, da pynhiar ki leh iwa chong hei dor wa thied ki kamjooh iwa chong leh i dor ka Rupee waka Dollar (exchange rate).
Chooh chooh da pyntip u wa ki Public Sector OMC da pynkylla ki man-ka-sngi yei dor dai khutia Retail Selling Price (RSP) i Petrol wa Diesel hapoh ka ri nadooh ka 16-06-2017. Wei i ini i booh dor man-ka-sngi toh yow wanrah yei khooid yow yoh myntoi kiwa pynemkaam. I dor Retail Selling Price i Petrol/Diesel toh iwa ye u yoh naka website ka Petroleum Planning and Analysis Cell (PPAC) www.ppac.gov.in.
I dor kheiñ kyllum lang ya i Petrol wa Diesel ha Delhi katkam ka yukheiñ ka IOCL ha kini ki 5 snem man ki kamni ha wah:
Rs./Ltr
| Financial Year | Petrol | Diesel |
| 2015-16 | 61.59 | 47.01 |
| 2016-17 | 64.61 | 53.24 |
| 2017-18 | 69.20 | 58.78 |
| 2018-19 | 75.37 | 68.22 |
| 2019-20 | 72.69 | 65.78 |
| 2020-21 (till 2nd February 2021) | 79.12 | 72.31 |
Retail Selling Price of Petrol and Diesel is at Delhi (as per IOCL).
