U SP ka South West Khasi Hills, Mawkyrwat da pynche u heiyatoh wa i pynmih khubor ka KSU SWKH ha Facebook kamjooh ha kiwi ki laad pathai khubor wa pynyoo wa yoh kem ki yaki baar jylla hapoh ka District haka 11 tarik uni u bnai wa haka 12 tarik.
U SP da ong u wa kini kiwa chah ksoh haka KSU ha Ranikor toh kiwa dai jhoor kiwa em yong ki hi i dukan ha chnong Umsur wei da leh ki ya ini i kaam la 8 snem.
Heiyatoh won wa iwa yoh ksoh ka KSU yaki bru ha Mawpon haka 12 tarik, da pynche wa kini ki bru toh ki wakreh u Contractor ka MEPDCL kiwa leh yaki kaam Drilling neibynta ka DDUGKY, ha Laitlawsang, Mawkyrwat wei da leh ki ya ini i kaam nadooh u snem wa da dep wei ym wm lai ki cheiwon cheiwon. I kaam yong ki toh wow kreh yow pyndep yaka Substation wa thymme wei biang hi ki leh yaki kot ki sla.
U SP da kdaw u leh wa ki wakreh heiyatoh waki kaam bordiñ heipor wa em ka Lockdown da haap ki hapoh ka Essential Services.
