U SP ka West Jaiñtia Hills District da pynche u heiyatoh wa i pyndam yei biah ya ki Radium Reflector wei yei saam First Aid Box hapoh ka District haka hukum wa pynmih ynne ka sngi kawa da ong wa yeini i kaam wada toh u pteiñ hadooh ka 28 tarik uni u bnai da hap wow pyndam nadooh myntu ka sngi.
U SP da pyntip u i pyndam toh du yei biah donhi wa leh da ka yung krehkaam yong oo neidaw wa ki bru wa wan na Delhi wa Uttar Pradesh da lut tiar ki wei daw pteiñ biang manda yoh tiar.
Chooh chooh da ong u wa ka hukum wa hap biah Radium Reflector ya waroh ki kari dang yieñ hi ko wei ym em khang ya ki bru wow biah ki da ki yong ki hi ki Radium Reflector tangwa deiwa leh da ki bru u SP daw e lang leh waka First Aid Box hei dor wa da dep pynbna ini wadep.
Hadien wa pynmih u SP ya ka hukum ynne ka sngi da mih i khñium na ki paidbah kiwa da ong wa sepai u biah ya kini ki Radium Reflector hawa da pyndam won ya ka hukum.
U SP da pyntip u leh wa ha kini ki ar tayaw wa da lai, da dep wow biah Radium Reflector ha kiwa boon ki kari ha ki thaw wa da booh kam ha Phramer, Ummulong, Thadlaskein wa ha tymbud u sarokbah.
Puræ leh: Da phah biah Radium Reflector ya ki kari hapoh West Jaiñtia Hills
