Heiyatoh wa iwa jia ha Nongmensong, Shillong neiliang u SP ka East Khasi Hills ha ka kyrwoh wa da phah u da ong wa ha i miet ynnin ka 13 tarik heipor kamwa 11 waje, da chem ya arngut ki bru ha ini i thaw kiwa da muaid heiwa da rah ya ki cha thanat yow sylli yei long i man yong ki namo ka Medical Examination.
Hadien ini da wan ki paidbah wa yalang ha Nongmensong OP wei da sdang ki wow dat ya uwi na ki bru wa rah ki pulit wei da pynkhor ki ya ki pulit wa ki bru ka CRPF kiwa em ha ka OP wei da kawang moo ki iwa da ktah ya ki 2 tylli ki kari pulit, 3 tylli ki kari ki bru samen wa 3 tylli ki kari ar chaka wei 3 ngut ki bru ka CRPF da mynsoo ki ha ini i jia.
Neiliang u SP da kyrpaad u ya ki paidbah wym toh u pynpoor ki ya ka khubor thok heiyatoh wa ini wa jia heiwa ka takit dang lai ko chakhmat yow chem ya iwa jia wei yow chemdien leh ya i tre heiyatoh wa em i pynbaad wa chah dat.
Da pynman leh ynne ka sngi ya ka yachemlang wa kiwa chong chnong ka Nongmynsong yow wanrah yei suk i saaiñ hapoh kani ka thaw.
