Jowai: Ka PHC Pamra Paithlu wa em ha East Jaiñtia Hills em ko chiboon i duna kiwa pynchithom ya ki paidbah wa chaniah ha ka khamtam hei e Birth Certificate wa ka Death Certificate.
Ki paidbah da pyntip ki wa ya kini ki Certificate da e du ha ka sngi Monday wa ka Wednesday wei da e leh du ya 30 ngut donhi chi sngi. Kamtæ ki paidbah da em wa wan chim slip nadooh 4:30 i step kiwa da em bait 100 ngut. Ki wa slem u wan chim slip haap liwan biang ki cha ki chnong yong ki.
Hadien wa chim slip, ki paidbah won haap yang ki hadooh 12:30 sngi yow wan kiwa kreh kiwa em du arngut wei ym jooh wan lang ki wei i rukom kreh ki toh deiwa wan kylliang ki.
Lada ya ki kot ki sla kreh da ka wi ka bru wei lada wan thooh ha ka sngi wa em da kawi tawan ka wa kreh da ong ko ya ki paidbah wa ym nood u tba ya ki kot ki sla wa da kreh da kawi tawan. Ki paidbah haap won ki u wan ha ka sngi wa em u bru wa kreh ya ki kot ki sla yong ki.
Ki paidbah da kylli ki wa i yi i daw wa ym hoi u wan kiwa kreh deilang, i leh ym hoi u e ya ki Certificate nadooh ka Monday hadooh Friday neibhah ini waroh i rukom kreh kani ka PHC da pynlut ko yei por ki paidbah, pynlut bai kari, da ktah joor ko leh ya ki khynnah puræ wa emkaam jhan ya ki Birth Certificate.
Ki paidbah da kyntu ki ya kiwa mihkhmat wow pynbiang wa kreh ha kani ka PHC kamjooh leh ya kiwi ki duna wa em ha ka yow lai bait i chakri ko ya ki paidbah na 20 tylli ki chnong wa emkaam ya ka.
Discussion about this post