Pynchitom ki pulit ya kiwa yah kari ha Jowai deiwa phah ap yei batai hajrong ki aiñ pynlai kari

Kamwa da leh ha waroh kawi ka ri, ha Jowai leh da lehwarom ya ka National Safety Week wow pynsñiawthooh paidbah ya ki aiñ wa yatoh wa i rukom pynlai kari.

Ya kani ka lehwarom da pynman da ka Jowai Traffic Branch hapoh i pynlai u Superintendent of Police, u Lakador Syiem. 

Ynne ka sngi ki sahep pulit wa pait ya kani ka chnat da pynman ya ka yalang ha Iawmusiang, heiwa da wan chimbynta da ki bru ka chnat Transport Department wa ka Jowai Local Taxi Association.

Ha kani ka sngi ki pulit da kem ki ya kiwa yah kari kiwa pynemkaam ya ki mobile phone wei ki wym em pyndait Seatbelt heipor wa yah kari wei kam ka dak wow pynchitom ya ki da phah chong ya ki ha ka yalang wow ap ya i batai paidbah ya ki aiñ pynlai kari kamjooh leh wow embynta ha ka Rally ha talawiar ka Jowai ya iwa da yahkhmat da ki pulit wei ya kini kiwa tyngkheiñ aiñ ym em u daiñ kuna ya ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka pynsñiawthooh paidbah u Dy. Superintendent of Police (Traffic) u Donkupar Moksha da man u kam u bru chemphang chirup wa u In-charge ka Jowai Traffic u SI. Pohshna wa kiwi kiwi.

Ya ka lehwarom ynne ka sngi da pynkut ya ka da i saam ya ki kot lakdop, i lai yonglang ki kari ha talawiar ka Jowai wa kiwi kiwi.