Jowai : Ka yung krehkaam ka Krishi Vigyan Kendra, Jaiñtia Hills da leh warom ko ya ka “Rabi Campaign Cum Jai Kisan Jai Vigyan” ha ka 23 tarik uni u bnai ha Sahsniang ‘A’, West Jaiñtia Hills.
Ha kani ka sngi da kynmoo ya ka Rabi Season næ ka samoi rep hapoh India nadooh u Naichiphaw hadooh u Wisu heiwa kiwa rep ye ki u rep ya kiwa boon ki jhoor heiwa kiwa boon ki por ym jooh rep ki ha kini ki samoi.
Sa iwi i phang wa kongsan ha kani ka sngi toh wow pynyoo cha kiwa rep ya i bor ka stat sayan wa katni wa yarap ya kiwa rep wow ye ki u rep hei por tlang leh.
Ha kani ka sngi leh man ko kam chi bynta wow leh warom ya ka sngi kha u Chaudhary Charan Singh wa u Atal Bihari Vajpayee. Sa ka wi ka thmu toh wow pynchlur ya ki warep wow sdang ki ya ka Organic Farming, i sikai wa kammon u yoh ya ka Crop Insurance, Minor Irrigation wa kiwi kiwi.
Da e buit leh ya kiwa rep yow jied ki ya ki symbe wa ye ki u rep ha ki thaw rep yong ki hei yatoh wa ki jait jhoor wa boon jait.
Ya i sikai da yoh na ka R. Lyngdoh, Subject Matter Specialist (Agronomy), ka B. Kharbamon, Subject Matter Specialist (Horticulture) wa ka R.W. Rangad Subject Matter Specialist (Plant Protection) kiwa klam hajrong ki phang wa boon hei yatoh wa ka rep por tlang.
Discussion about this post