Ki khynroo khyllood ka Myntdu Cleaning Drive (MCD) kiwa ini wa dep da lai pynche ki ya kiwa lai baam-doh wow man kiwa leh khooid, ym toh wow leh taroi, ieh taroi yei jhep ha ki thaw wa pynemkaam ki kam chibynta wow yada yaka bei rymaw kamjooh yaka wah Myntdu neidaw wa i jhep khamtam ki Plastic toh kiwa ktah bha najrong wa man ki ki jait mar wym pyut.
Kamtæ hajrong ini, neiliang ki dkhot ka MCD da kwah ki wow pynchlur yaki paidbah wow pynduna yei pynemkaam Plastic khamtam heipor wa lai yaw lai haat wow rah da ki muna.
Kam ka nongmuna, ki dkhot da pynyoo ki yei lai yaw deiwa dam u paan Plastic, deiwa rah hi daka muna, dei wym chah leh ya kiwa chong dai wow thap yaki mar hapoh Plastic neibah em kiwa lai yaw hanla em ki yaka muna, da phah ki leh wow thap sa hapoh Plastic.
Ka MCD da yooluti ko wa wa kiwi leh daw bood ki ya ini kamjooh yow pynmyllien ya kiwa chong dai u pynduna yei pynemkaam Plastic.
Ka MCD da phah ko leh ya ini i Video yei pyrchang wa khian yong ki yow pynchlur ya kiwi kiwi wow ya bood lang ki.
Puræ leh: Lai pynsñiawthooh ki chi lok ya kiwa baamdoh yow em yei sñiaw yaka Bei Rymaw
