Kam chibynta wow lehkmen ya ka National Sports Day, ka sorkar Meghalaya da pynbna ko ya ki yalehke wa chi tayaaw ki wow sdang nadooh ka 22 tarik hadooh ka 29 tarik uni u Naisaphra neibynta waroh kiwa chong chnong wow chimbynta ki.
Kani man ko leh kam chibynta ka thong ka Ministry of Youth Affairs and Sports ka sorkar pyrdi wei daw chim leh ya ka smai Fit India Pledge da kiwa chimbynta ha kylleiñ ka ri.
Hapoh ka jylla, ki Sports Associations, ki skur wa ki bor District daw pynman ki ya jar jiar ki yalehke wei ki chnat ki sorkar jylla leh daw pynman ko ya ki yalehbol, yah Cycle, ki Walkathon wa ki yalehke Basketball wei kiwa kreh sorkar leh wow wan ki cha wa kreh deiwa sap da ki riam yalehke (Activewear).
Ka sorkar leh daw pynchlur ko wow pynemkaam da ki Cycle næ wow lai dei kjat cha ki thaw kreh wei daw pynbna ya kawon ka sngi wow leh yeini.
Ki NYKS waka SAI hapoh ka jylla leh daw pynman ki ya kiwa boon ki jait yalehke.
Ha ka 26 tarik daw pynman ya ka “Run for Fitness” ha Shillong kawa jrong 5 Km kawa daw sdang nadooh madan Polo wei kani man ko neibynta yong waroh nadooh ki khynnah hadooh ki waheh wei kiwa kwah u chimbynta ye ki wow lai e pyrtuid ha ka yung krehkaam u District Sports Officer, East Khasi Hills.
Ha ka 29 tarik won daw pynman sa ya kawi ka yaphet pyllah wa rap tbian wei ha kani kiwa jop daw yoh ki ya ka song poisa najrong kiwi ki kaam pynwyrngia wa daw pynman lang.
Daw pynkut ya kani ka sngi da ka yalehbol hapyrdi ki MLA ka jylla wa ki sahep ka sorkar ha MFA Ground, JN Stadium Complex.
Ki skur, ki College wa ki bru paidbah kiwa kwah wow chimbynta ye kiw wow lai ha ka Website https://fitindia.gov.in/national-sports-day-2023 wei ye ki leh wow booh yei dur ki ha ki Social Media deiwa pynemkaam ya ki Hash-tag: #Sports4Unity #NationalSportsDay #NationalSportsDayMeghalaya #FitIndia #FitMeghalaya.
Discussion about this post