• About Us
  • Contact Us
  • Privacy Policy
  • Advertise With Us
  • Terms & Conditions
Saturday, June 7, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Uncategorized

Pynchlur ka sorkar wow wan chakhmat wow Test HIV yow ye u pyndooh jait noh ya uni u khniang

Wyrta Staff by Wyrta Staff
December 2, 2019
Reading Time: 7 mins read
A A
0
Share on FacebookShare on Twitter

Jowai: Kamwa da leh man u snem, ynne ka sngi da leh warom yaka sngi World AIDS Day yow pynsñiawthooh paidbah chaphang u khniang HIV wa i kjut AIDS, iwa da ktah bha yaka imlang sahlang katni, ha West Jaiñtia Hills District leh da lehwarom ya kani ka sngi ha District Library Auditorium, Mynthong, Jowai ynne ka sngi daka District Legal Services Authority, West Jaiñtia Hills District deiwa ya krehlang waka yung krehkaam u District Medical and Health Officer, West Jaiñtia Hills District hajrong ka phang “Ending the HIV/AIDS Epidemic Community by Community”. 

Hawa e yei ktien waiphang, ka Dr. H. Uriah da ong wa katkam wa lum yutip ka World Health Organisation hadooh u snem 2018, da em on 37.9 milion ngut ki bru ha pyrthai wa im wa u khniang HIV, tangwa 79% toh kiwa da wan wow phah Test pyn da ki ya ki hi yow tip ki wa yoh HIV namo ym em, wei du 62% kiwa yoh dawai næ sumaar, neitæ 53% won kiwa da ye u pynduna bor u khniang HIV kawa man kawi ka bynta wa jop.

Kamtæ da ban joor ko yaki paidbah hajrong wa emkaam wow tip yei long i man (Know your status) heiyatoh wa u HIV deiwa phah Test khang yow yoh yei yarap wei wow pyndooh noh ya uni u khniang deiwa lai cha ki ART Centre kiwa katni em ha waroh ki Civil Hospital kamjooh yow yoh yaka ya syllok ha ki CHC wa PHC.

Kamtæ da kyntu ko yaki paidbah wym toh u sarom wow phah lai Test HIV wei wow pynemkaam ya ki yada yow lait na uni u khniang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Superintendent of Police WJHD, u Lakador Syiem da khut u yei krehlang waroh ki paidbah khamtam kiwa yahkhmat ka imlang sahlang nadooh ki waheh chnong, ki Para Legal Volunteer, ki sahep sorkar wa kiwi, dei ong wa nyngkong dooh toh u thooh bniah neitæ daw tip kammon wow yaklam pynche, pynsñiawthooh, neibhah ka kamram kam kiwa yahkhmat toh wow pyntip pynche ya ini i jait kjtu deilang wa i ya krehlang wa i e sikai wow yada wei wym toh u yoobeiñ. 

Ha kani ka jooh ka sngi neiliang ka R.S. Manner Additional Deputy Commisioner ka WJHD da wai paidbah ko leh yaka Scheme “Matru  Vandana Saptah” kawa man leh ka tayaw wa kyrpang wow pynsñiawthooh hajrong kani ka Scheme.

Ka Dr. V. Laloo hawa klam ko hajrong ka “Matru  Vandana Saptar” da ong ko wa kam kani ka Scheme da sdang nadooh u snem 2016 tangwa da pynthymme biang yaka, kani toh ka Scheme wow yarap neibynta ki manbei yohkhon nyngkong kiwa daw yoh yarap poisa T. 6000.

Chooh chooh da e Award leh cha ka Best Performing Block kawa yoh daka Laskeiñ Block, ka Best Performing CHC leh da yoh ka Laskeiñ hi, katwa ka Best Performing PHC won da yoh ka Nangbah.

Yei naam Best ANM da yoh nyngkong ka K. Sungoh naka Shangpung PHC, wa ar ka Kiew Pohlong naka Mynsngad Sub Centre, wa le ka R.B. Lamin naka Sohkha Sub-Centre.

ShareTweetSendShare
Previous Post

Kyntu u Kyrmen ya kiwa duna hei doh i pran wow paan pynche na ka Directorate hajrong ki mat dawa

Next Post

Daw pynman ka Kur Shylla ya ka Dorbar Pyllun yong ka

Next Post

Daw pynman ka Kur Shylla ya ka Dorbar Pyllun yong ka

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar