Ka Department of Personnel & Training (DoPT) da sneiñ ko ya waroh ki wakreh sorkar kiwa da em 18 snem chaneiñ wow chim smat ki yei tika.
Ya ini da ong ynne ka sngi da u Union Minister of State (Independent Charge) Development of North Eastern Region (DoNER), MoS PMO, Personnel, Public Grievances, Pensions, Atomic Energy & Space, u Dr. Jitendra Singh, hawa klam hajrong ki laad yada wa da leh ha kani ka la-ær wa ar ka khlam COVID 19.
Katkam wa phah da ka Establishment Division ka DoPT, u Dr. Jitendra Singh da ong u wa nadooh wa ka sorkar da rai ko wow kynthup ya kiwa em 18 snem chaneiñ hapoh i e tika COVID-19, kamtæ da pynchlur ya waroh ki wakreh wa em ha ini i rta wow lai chim tika ki. Chooh chooh da ong wa deiwa pyrkhat yei boon kiwa yoh COVID-19, ki Secretary/HoD da e bor ya ki wow pynbait yei wan ki wakreh ha waroh ki kyrdan deiwa pyrkhat katwon ngut emkaam yow ye u krehkaam ki jar jiar ki chnat.
U Dr. Jitendra Singh da ong u leh wa booh da ki yit ha ki thaw kreh, ki plastic yow yabhah ya uwa yah kari wa kiwa chong kari, da chna leh ya ka WhatsApp Group (We Care) yow ya syllok wei wow e yarap cha ki wakreh ka chnat kiwa chem toh kiwa yoh COVID-19.
Kam chibynta wow pynkhlan ya i e tika, da pynman ya ki Vaccination Drive heiwa u Dr. Jitendra Singh da ong u wa da pynman ya ki Vaccination Camps ha ka North Block deiwa ya krehlang wa ka Ministry of Home Affairs.
Chooh chooh da pyntip u wa deiwa pynemkaam da ki Webinars wa Video Conferencing da ye wow pyntikna wa waroh ki kaam da lai bait ki khlem thut. Da ong leh wa sñiawkmen u wow yoo wa waroh ki File ka DoPT da pyndep ya ki heipor wa biang.
